بعنوان ( نفسي أحب )
نفسي أحب وأتحب بصحيح
مش كل حب أطلع منه جريح
أحب بقلبي والا بعقلي
يبدأ معايا بقوة ويطير مع الريح
نفسي أحب حد وأديله حتى عنية
أحس بيه وهو كمان يخاف عليا
يكون في قلبه حبة حنان
مش كل ما أحب حد أجني أسية
حبيت زمان وكنت بقول عليه إنسان
من حبي فيه ألفتله أشعار وديوان
حبيته بكل ما عندي وإتمنيته
راح من غير سلام وكان الحب ما كان
أحب روحي وأعيش معاها وحيد
والا تخوني هي كمان وتروح لبعيد
أنسى جروحي وأنسى كمان روحي
يمكن مع الايام أبقى زي الناس سعيد
الشاعر
( جمال رمضان )
ليست هناك تعليقات:
إرسال تعليق